Германските власти уапсија 24-годишен ирачки државјанин во сојузната покраина Бранденбург под сомнение за планирање терористички напади, при што како прва цел наводно била избрана црква во Бремен.
Канцеларијата на федералниот обвинител во Карлсруе соопшти дека осомничениот ја споделува радикалната исламистичка идеологија на Исламската држава (ИСИЛ) и го товарaт за обид за основање терористичка организација, подготовка на сериозен насилен чин и кршење на законите за оружје. Според истражителите, тој планирал напади врз лица што ги сметал за „неверници“ и веќе набавил огнено оружје, а извидувал и конкретна црква во Бремен.
Осомничениот успел да регрутира уште едно непознато лице, додека другите обиди му пропаднале. По апсењето од страна на федералната криминалистичка и федералната полиција во округот Барним, тој бил изведен пред истражен судија во Карлсруе кој му одреди мерка притвор.