Петнаесетгодишниот Михаил Николовски од Битола помогнал да се спаси тричлено бугарско семејство кое се нашло во опасност во Егејското Море.
Драмата се случила на плажата во Олимпијада, Грција, каде силните бранови однеле мајка, татко и нивното дете подалеку од брегот.
Михаил, кој е ученик во СОУ „Ѓорги Наумов“ во Битола, влегол во разбрануваното море за да им помогне.
Според сведоштвото на неговото семејство, тој најпрво ја извлекол жената, потоа детето, а на крај и таткото, по што целото семејство безбедно било изнесено од водата.
По спасувањето, присутните на плажата го поздравиле 15-годишниот битолчанец со силен аплауз.