А1 Македонија продолжува да ја зацврстува својата позиција како партнер што им нуди на корисниците практични и интегрирани решенија за секојдневните потреби и со големо задоволство најавува збогатување на своето портфолио со воведување на услугата M-TAG, паметно решение за електронско и бесконтактно плаќање патарини.
Од денеска, во соработка со Јавното претпријатие за државни патишта (ЈПДП), А1 Македонија ја проширува својата понуда со услуги и ја збогатува со M-TAG, овозможувајќи им на корисниците поголема едноставност, контрола и удобност во секојдневното движење. Поминувањето низ наплатните рампи се одвива без запирање, преку M-TAG лентите, што значително го намалува времето на чекање и овозможува побрзо и поефикасно патување.
Уредот е лесен за користење и се поставува на ветробранското стакло, а системот автоматски го регистрира при секое поминување. Корисниците имаат флексибилност да изберат начин на плаќање што најмногу им одговара – преку поврзување со А1 постпејд број, со платежна картичка или со претходно надополнување средства.
M-TAG е достапен во продажната мрежа на А1 за постпејд мобилни и за фиксни корисници, со можност за плаќање на 24 месечни рати од 49 денари, директно интегрирани во месечната сметка, или со еднократен надоместок од 1.199 денари. Со оваа услуга, А1 Македонија уште еднаш ја потврдува својата стратегија да обезбеди „сè на едно место“, од комуникации и забава до практични решенија што го поедноставуваат секојдневието и создаваат вистинска вредност за корисниците