Силни снежни врнежи и дожд ја погодија Романија во среда, оставајќи околу 200.000 домаќинства без струја. Бурата предизвика и големи проблеми во сообраќајот, со блокирани автопати и државни патишта, а десетици возови доцнеа, изјави министерот за енергетика Богдан Иван, пренесува Ројтерс.
Во главниот град Букурешт, под слој снег од 40 сантиметри, јавниот превоз функционираше лошо, објави 4news.mk Паднати дрвја го попречија патниот и железничкиот сообраќај, а училиштата беа затворени во неколку градови. Националната агенција за итни интервенции објави дека десет амбулантни возила се заглавени во снегот во шест окрузи.
Од вкупно 200.000 погодени домаќинства, струјата е вратена во околу 86.000. Проблеми се пријавени во 266 градови“, изјави Иван за новинарите.
Министерот додаде дека просечната потрошувачка на електрична енергија во Романија изнесува 7,4 GW, а вишокот произведен во ветерните и хидроелектраните е извезен, објави 4news.mk Тој исто така изјави дека производството се зголемило за 11 проценти, а потрошувачката за 6 проценти во споредба со претходната година.