Првиот месец од годината традиционално носи најмногу денови за одмор. Веќе следната недела неработен за православните верници е 6 јануари (вторник) – Бадник, додека 7 јануари (среда), кога се слави Божиќ, е неработен ден за сите граѓани во Македонија.
По божиќните празници, верниците ги очекува уште еден неработен ден на 19 јануари (понеделник) за празникот Водици, што воедно е и првиот продолжен викенд за оваа година.
Согласно Законот за празници, еве ги останатите неработни денови за сите граѓани во 2026:
За сите граѓани на РМ:
- 1 јануари (четврток), Нова Година,
- 7 јануари (среда), Божиќ, првиот ден на Божиќ според православниот календар,
- 20 март (петок), Рамазан Бајрам, првиот ден на Рамазан Бајрам.
- 13 април (понеделник), Велигден, вториот ден на Велигден според православниот календар,
- 1 мај (петок), Ден на трудот,
- 24 мај (недела), „Св. Кирил и Методиј“ Ден на сесловенските просветители, односно 25 мај (понеделник) е неработен ден,
- 2 август (недела), Илинден, односно 3 август (понеделник) е неработен ден,
- 8 септември (вторник), Ден на независноста,
- 11 октомври (недела), Ден на народното востание, односно 12 октомври (понеделник) е неработен ден,
- 23 октомври (петок), Ден на македонската револуционерна борба,
- 8 декември (вторник), „Св. Климент Охридски“.
За граѓаните од православна вероисповед
- 6 јануари (вторник), Бадник, ден пред Божиќ,
- 19 јануари (понеделник), Богојавление (Водици),
- 10 април (петок), Велики Петок, петок пред Велигден,
- 29 мај (петок), Духовден, петок пред Духовден,
- 28 август (петок), Успение на Пресвета Богородица (Голема Богородица).
За граѓаните од католичка вероисповед
- 6 aприл (понеделник), Велигден, вториот ден на Велигден,
- 1 ноември (недела), Празникот на сите светци,
- 25 декември (петок), првиот ден на Божиќ.
За граѓаните од муслиманска вероисповед
- 27 мај (среда), Курбан Бајрам, првиот ден на Курбан Бајрам.
За граѓаните припадници на албанската заедница
- 22 ноември (недела), Ден на албанската азбука.
За граѓаните припадници на српската заедница
- 27 јануари (вторник), Свети Сава.
За граѓаните припадници на ромската заедница
- 8 април (среда), Меѓународен ден на Ромите.
За граѓаните припадници на влашката заедница
- 23 мај (сабота), Национален ден на Власите.
За граѓаните припадници на еврејската заедница
- 21 септември (понеделник), Јом Кипур, првиот ден на Јом Кипур.
За граѓаните припадници на бошњачката заедница
- 28 септември (понеделник), Меѓународен ден на Бошњаците.
За граѓаните припадници на турската заедница
21 декември (понеделник), Ден на настава на турски јазик.