Владина делегација, предводена од првиот вицепремиер и министер за европски прашања Беким Сали, денеска ќе положи цвеќе пред спомен-плочата на местото каде што се наоѓала родната куќа на Мајка Тереза во центарот на Скопје, по повод нејзиниот роденден.
По оддавањето почит, првиот заменик-претседател на Владата ќе даде изјава за медиумите.
Централната манифестација по повод роденденот на Мајка Тереза ќе се одржи во Музејот на современата уметност, под покровителство на првиот вицепремиер Сали. На настанот ќе присуствува и премиерот на Република Косово, Албин Курти.