Познатата ТВ водителка Кристел Мадуагву (29) починала додека се обидувала да избега од вооружени разбојници во Нигерија.
Таа скокнала од третиот кат од зградата каде што живеела, обидувајќи се да се спаси од разбојниците, обидувајќи се да се спаси од вооружените мажи кои влегле во нејзиниот стан.
Познатата водителка била пронајдена во несвест од полицијата и итно однесена во болница, но и покрај сите напори на лекарите во болницата, таа била прогласена за мртва.
Полицијата формирала специјална истражна единица за да ги пронајде осомничените и да ги изведе пред лицето на правдата.
„Со тешко срце, менаџментот и персоналот на ARISE News ја објавуваат смртта на нашата сакана колешка, водителка на вести, новинарка и продуцентка. Таа трагично почина во раните утрински часови во понеделник, 29 септември, по инцидент со вооружен грабеж во нејзиниот дом, кој во моментов е под истрага на полицијата“, соопшти новинската агенција за која работеше.
Новинската мрежа, исто така, изрази искрено сочувство до нејзиното семејство и пријателите.
„Изразуваме најдлабоко сочувство до нејзините родители, браќа и сестри, роднини, пријатели и сите што ја сакаа во ова неверојатно тешко време“, се додава во соопштението.