Претставници на Русија, Украина и Соединетите Американски Држави денеска се состанаа во Абу Даби, со што официјално започнаа првите трилатерални разговори од почетокот на руската агресија врз Украина во февруари 2022 година.
Средбата се оценува како исклучително значајна за Киев и се смета за тест кој треба да покаже дали Москва е подготвена искрено да се вклучи во мировен процес или, пак, разговорите ги користи како тактика за добивање време. Овие преговори доаѓаат по неодамнешната средба на рускиот претседател Владимир Путин со претставници на американскиот претседател Доналд Трамп во Москва.
По таа средба, Кремљ соопшти дека разговорите биле „корисни“, но и „многу отворени“, што дополнително ги зголеми очекувањата и вниманието на меѓународната јавност кон денешните разговори во Абу Даби.