Нов бран на силна нестабилност попладнево го зафати регионот меѓу Куманово и Скопје, каде радарските снимки покажуваат интензивни процеси проследени со поројни врнежи и електрични празнења. Синоптичарите предупредуваат дека на одредени места веќе има и појава на град.
Управата за хидрометеоролошки работи излезе со итно предупредување за граѓаните во овие региони.
„Поинтензивна нестабилност има помеѓу Куманово и Скопје од која има пороен дожд, грмежи, засилен ветер и наместа појава на град.“