Нов бран на сериозна метеоролошка нестабилност попладнево е регистриран во североисточниот дел на Македонија. Управата за хидрометеоролошки работи (УХМР) излезе со итно предупредување за силно невреме во поширокиот кривопаланечки регион.
Според официјалните податоци од метеоролозите, во моментов во овој крај има опасни атмосферски процеси. Од УХМР соопштија дека е забележан „интензивен пороен дожд, појава на грмежи, засилен ветер и појава на град во Крива Паланка и околината“.