Иако Хрватска веќе се наоѓа под влијание на обемен антициклон што доаѓа од запад и носи стабилно време, метеоролог од RTL предупредува дека кон крајот на неделата и за продолжениот викенд се очекува вистински топлотен бран. Температурите во недела и понеделник често ќе надминуваат 35 степени Целзиусови, а особено жешко ќе биде во Славонија и во места како Книн.
Но, пред топлиот воздух од југозапад целосно да ја зафати земјата, делови од Хрватска ќе бидат зафатени од вечерни врнежи со дожд и грмежи. Нестабилниот воздух што ќе пристигне навечер во внатрешноста ќе донесе посилен развој на облачноста со умерен североисточен ветер.
Нестабилностите што пристигнуваат вечерва најпрво ќе ја зафатат централната внатрешност, како и Подравина, планинските делови на западна Славонија и дел од Посавина. Уште во четврток се можни локални врнежи во внатрешноста на Истра, Лика, Горски Котар и делови од далматинското залеѓе.
Во Македонија денес времето ќе биде променливо облачно и топло, со повремени сончеви периоди. Во попладневните часови се очекува локална нестабилност проследена со пороен дожд, грмежи и засилен ветер.
На одделни места временските непогоди може да бидат поизразени, со пообилни врнежи и можност за појава на град.
Ќе дува слаб до умерен ветер од променлив правец.
Утринските температури ќе се движат од 10 до 17 степени, додека дневните ќе достигнат меѓу 25 и 31 степен Целзиусов.