Рано утринава, околу 4 часот по локално време, силна експлозија одекна во центарот на белгискиот град Лиеж, чија мета била локалната синагога. Според првичните информации од белгиските медиуми VRT и RTBF, во инцидентот нема повредени, но причинета е голема материјална штета.
Силата на детонацијата ги искршила прозорците на верскиот објект, но и на околните згради. Белгиската полиција веднаш ја блокираше целата област, а во истрагата е вклучен и специјализиран тим за борба против тероризмот.