Популарниот водител Огњен Амиџиќ уште еднаш успеа да ја шокира јавноста, појавувајќи се во своето шоу во издание кое никој не го очекуваше. Тој, заедно со своите машки гости, меѓу кои и фолкерот Ѓани, во емисијата дојдоа облечени во шкотски килтови.
Амиџиќ на самиот почеток објасни дека станува збор за исполнување на необичен облог кој бил направен претходно во текот на годината.
„Како да го објаснам ова сега?! Во една емисија што се случи годинава, бевме во овој состав и се договоривме за оваа новогодишна емисија. Тогаш реков – ајде сите да се избричиме, да пуштиме мустаќи и да носиме килтови“, откри Огњен низ смеа.
Најголемо внимание привлече Ѓани, кој без проблем стана и покажа како му стои здолништето, додека во студиото гостуваа и Тамара Милутиновиќ, Хени и Борко Радивојевиќ.