Светската здравствена организација (СЗО) подготви сеопфатен шестмесечен план со цел да се запре ширењето на еболата. За реализација на оваа стратегија ќе бидат одделени 518 милиони долари, соопшти денеска генералниот директор на организацијата, Тедрос Аданом Гебреисус.
Имплементацијата на амбициозниот план започнува веднаш овој месец и предвидено е да трае до ноември. Во неговата реализација активно ќе бидат вклучени и Африканските центри за контрола и превенција на болести.
Директорот на СЗО потенцираше дека стратегијата не се гради од почеток, туку се потпира на стекнатите искуства:
„Не почнуваме од нула, овој план се базира на претходните епидемии и здравствени кризи од изминатите години.“ – изјави Гебреисус.
Тој ја нагласи и клучната формула за успех во сузбивањето на овој опасен вирус:
„Борбата против еболата бара политичка посветеност, одржливо финансирање и доверба во ангажманот на локалните заедници.“ – посочи првиот човек на СЗО.