Северна Кореја: Ако Америка е загрижена за своето копно, треба да престане да се заканува
Северна Кореја соопшти дека САД треба да се откажат од воените закани доколку се загрижени за безбедноста на своето копно, објави државниот медиум „КЦНА“, цитирајќи претставник на севернокорејското Министерство за одбрана.
Во извештајот се цитира шефот на Северната команда на САД кој неодамна ја коментирал способноста на севернокорејските интерконтинентални балистички ракети (ИЦБМ) да стигнат до копното на САД.
Во извештајот се наведува дека Соединетите Држави се впуштаат во конфронтирачко однесување како што е планирањето воени игри со Јужна Кореја и испраќањето нуклеарна подморница на Корејскиот полуостров.
Суверено право на Северна Кореја е да ги подобри своите капацитети за самоодбрана, се додава во извештајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
