Главниот град на Белгија од почетокот на следната година ги заострува правилата за движење во сообраќајот. Регионалната агенција за животна средина соопшти дека од 1 јануари 2026 година, во Брисел се забранува движењето на дизел возила со Еуро 5 стандард и бензински возила со Еуро 2.
Забраната не ги заобиколува ниту мотоциклите, каде ограничувањата ќе важат за стандардите Еуро 1 и Еуро 2. Според проценките, оваа мерка ќе погоди околу 33.000 возила, што претставува 7% од вкупниот возен парк во белгиската престолнина. Сопствениците кои ќе ја прекршат забраната двапати во рок од три месеци, ќе се соочат со казна од 350 евра.