Се урна руски воен авион, има најмалку четворица загинати (ВИДЕО)
Воениот транспортен авион „Иљушин Ил-76“ утрово се урна во централниот руски град Рјазан, при што загинаа четири лица, а петмина се повредени, пренесуваат руските агенции.
Авионот, како што е наведено во извештаите на новинските агенции се урнал откако еден од неговите мотори одеднаш се запалил.
Според првите информации, четворица починале, а пет лица се хоспитализирани, изјавил за руската агенција извор од Министерството за вонредни ситуации.
„Во 03:18 часот по московско време на 24 јуни 2022 година, Министерството за вонредни ситуации, одделот во регионот Рјазан беше информирано за авионската несреќа во градот Рјазан, а на теренот не е забележана штета“, изјавил овој извор, пренесува ТАСС.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
