Повеќе лица загинале при уривање на приватен авион „Цесна С550“ во близина на регионалниот аеродром Стејтсвил во американската сојузна држава Северна Каролина, јавуваат американски медиуми. Несреќата се случила околу 10:15 часот по локално време, кога леталото се урнало во близина на пистата и се запалило.
Снимките од местото на настанот покажуваат густ црн чад што се издигал од остатоците на авионот. Од канцеларијата на шерифот во округот Иредел потврдија дека има повеќе жртви, но засега не соопштуваат точен број. Деталите за бројот на патници и идентитетот на загинатите дополнително ќе ги соопшти полицијата на Северна Каролина.