Поранешниот командант на Војската на Република Српска (ВРС), Ратко Младиќ, почина денеска на 84-годишна возраст во притворскиот центар во Шевенинген, потврди неговото семејство. Младиќ починал попладнето во притвор на Меѓународниот резидуален механизам за кривични трибунали.
Здравјето на Младиќ долго време беше сериозно нарушено како последица на повеќекратни мозочни и срцеви удари. Одбраната и семејството претходно во неколку наврати поднесуваа барања до трибуналот за негово привремено ослободување и лекување во Србија, со образложение дека не му се обезбедува соодветна медицинска нега во притворот, но сите барања беа одбиени.
Ратко Младиќ е роден на 12 март 1942 година во селото Божановиќи, во близина на Калиновик. Военото образование го стекнал на Воената академија на ЈНА во Белград.
Во периодот од 1992 до 1996 година, за време на воениот конфликт во Босна и Херцеговина, ја извршуваше функцијата началник на Главниот штаб на Војската на Република Српска.
По повеќегодишно бегство, Младиќ беше уапсен на 26 мај 2011 година во селото Лазарево кај Зрењанин, по што беше екстрадиран во Хашкиот трибунал. Меѓународниот кривичен трибунал за поранешна Југославија подоцна го осуди на доживотен затвор.