СДСМ: Владата е стабилна, во интерес на граѓаните е да има редовни избори во 2024
Имаме стабилно мнозинство токму со влегувањето на Алтернатива во коалицијата и следува избор на нова Влада со мандат до 2024 година, рече денеска организацискиот секретар на СДСМ, Мартин Попов, како одговор на повикот на лидерот на ВМРО-ДПМНЕ, Христијан Мицкоски, за техничка влада во март и организирање избори во јуни.
„Владата ќе биде посветена на справување со проблемите на граѓаните, ќе се посвети на справување со глобалната економска и здравствена криза, па оттука сметаме дека фактот што имаме стабилно мнозинство говори за тоа дека немаме потреба од никакви технички влади, ниту пак од предвремени избори“, нагласи Попов.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа