Мицкоски и ДПМНЕ не сакаат дијалог туку им треба алиби, покритие за нивното сценарио кое СДСМ веќе го разобличи. Избори, а потоа мигранти, зад што се крие обид за бегство од одговорноста за криминалот и корупцијата, велат од СДСМ преку писмено соопштение испратено до медиумите.
„Ова е единствената причина за којашто Македонија се држи изолирана и надвор од ЕУ.
Подадената рака ја прифати ЗНАМ. Нив ги купивте. Затоа и постои тендер коалицијата.
„Консензус“ на овој начин не можеме да правиме од две причини: прво, ние не сакаме да ја изолираме Македонија; и второ, не сме на иста страна на законот.
Нема подавање рака на криминалци, на криминалците им се знае местото.
Техничката влада мора да остане затоа што таа е последната линија на одбрана од целосна злоупотреба на најважното – слободната волја на граѓаните за време на изборниот процес.
Власта не ја сака техничката влада затоа што со влез на министер од опозицијата се отвора увид во сите злоупотреби и во целиот коруптивен систем – за нив тоа значи отворање на Пандорината кутија.
Техничката влада е институционално вето, контролен механизам против воспоставување авторитарен режим и единствена шанса за чесни, фер и демократски избори“, велат од СДСМ.