„СДСМ не се извинува на криминалци“, е пораката што опозициската партија ја испрати до поранешниот портпарол на ВМРО-ДПМНЕ, Димче Арсовски, по неговото барање за извинување во врска со наводите за тендерот од 9 милиони евра.
Од СДСМ велат дека не барале „роднинско стебло“ туку одговор, и направија паралела со поранешните функционери на владејачката партија.
„Не баравме ниту роднинско стебло ниту извод од Димса Арсовски туку да одговори на прашање дали е роднински поврзан. И нема за што да му се извинуваме. Човек без работен стаж коментира нечии кариери? Човек кој лаже и краде бара извинување? СДСМ не се извинува на криминалци. Ниту Груевски и Мијајлков не се со исто презиме па сепак се роднини“, се наведува во партиското соопштение.
Партијата останува на ставот дека во ВМРО-ДПМНЕ владее криминална поврзаност.
„Димса не дефокусирај, она што е сигурно: сите вие во ВМРО-ДПМНЕ сте роднини по криминал. (…) Скандалот кој СДСМ денеска го објави ги потврдува сите криминални шеми на ДПМНЕ како се крадат парите на граѓаните“, велат од СДСМ.