Руското вселенско летало се урна на површината на Месечината по „ненормална ситуација“
Руското вселенско летало Луна-25 се урна на површината на Месечината еден ден откако беше пријавена „ненормална ситуација“ и се загуби, објави руската новинска агенција Тасс. Како што соопшти руската државна вселенска агенција Роскосмос, комуникацијата со леталото е прекината.
„Според прелиминарните пресметки, Луна-25 се префрлила на непредвидена орбита и се судрила со површината на Месечината“, објави Роскосмос, кој вчера објави „ненормална“ ситуација на леталото откако беше испратен сигнал од Земјата дека треба да започне процес на подготовка на леталото за слетување на површината на Месечината.
Во денешното соопштение Роскосмос додава дека веднаш е формирана специјална меѓуресорска комисија која треба да ги истражи причините кои довеле до губење на леталото.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
