ЈП „Водовод и канализација“ – Скопје соопшти дека водата за пиење во градот е безбедна и исправна за употреба, што го потврдуваат резултатите од редовните лабораториски анализи.
Во периодот од 17 до 21 август 2026 година, Секторот за санитарна контрола извршил испитувања на 206 примероци за физичко-хемиска и исто толку примероци за микробиолошка анализа, земени од 47 мерни места на територијата на Скопје.
Од „Водовод и канализација“ наведуваат дека сите анализирани примероци ги исполнуваат пропишаните услови за безбедност и квалитет на водата за пиење, согласно Правилникот за барања за безбедност и квалитет на водата за пиење („Службен весник на РМ“, бр. 183/18).