Close Menu
Press24
    Најново

    Најмалку една година за неопходните законски измени за МВР да ги прифаќа дигиталните лични карти и возачки дозволи

    29.10.2026 во 14:21

    Куманово: Цели девет месеци силувал дете

    29.10.2026 во 14:08

    Речиси 580.000 евра на сметка на мајката, синот пријавен за перење пари

    29.10.2026 во 13:57
    Facebook X (Twitter) Instagram
    • Најмалку една година за неопходните законски измени за МВР да ги прифаќа дигиталните лични карти и возачки дозволи
    • Куманово: Цели девет месеци силувал дете
    • Речиси 580.000 евра на сметка на мајката, синот пријавен за перење пари
    • Муцунски: Процесот на европска интеграција да биде кредибилен и предвидлив и со забрзана динамика
    • Злетовец вплеткан во меѓународна шема за измами: Натерал сограѓанин да направи 18 уплати во странство
    • Обвинение за силување 15-годишно дете, сопруг тепал сопруга и ќерка, мајка малтретирала малолетничка
    • Печурки, табелети, марихуана, хероин: Што сѐ пронајде полицијата за 24 часа?
    • Муцунски за Ива Михаилова: Непристојно е земја-членка на ЕУ да станува прибежиште од македонското правосудство
    • Најново
    • Популарно
    • Маркетинг
    • Импресум
    Facebook Instagram TikTok
    Press24Press24
    • Насловна
    • Македонија
      • Политика
      • Скопје
      • Црна хроника
    • Бизнис
    • Свет
      • Регион
    • Забава
    • Спорт
    • Технологија
    • Интервју
    Press24
    Home » Ревизорите открија низа пропусти во Бирото за метрологија: 2,3 милиони евра надвор од евиденција

    Ревизорите открија низа пропусти во Бирото за метрологија: 2,3 милиони евра надвор од евиденција

    01.09.2026 во 11:163 Mins Read
    Сподели
    Facebook Twitter WhatsApp

    Државниот завод за ревизија утврдил сериозни пропусти во работењето на Бирото за метрологија, меѓу кои и неевидентирани средства вредни околу 2,3 милиони евра, доцнење во фактурирањето и наплатата на услугите, како и неискористување на мобилната лабораторија за контрола на квалитетот на нафтата и нафтените деривати.

    Поради констатираните неправилности и неусогласености, ревизорите изразиле неповолно мислење за вистинитоста и објективноста на финансиските извештаи на Бирото за 2024 година, како и за нивната усогласеност со законите и другите прописи.

    Еден од клучните наоди се однесува на средствата набавени во претходните години. Според ДЗР, средства во вредност од 145,1 милиони денари, односно околу 2,3 милиони евра, не биле внесени во деловните книги и билансот на состојба на Бирото поради неизвршено примопредавање со тогашното Министерство за економија и труд.

    Ревизорите утврдиле и разлики меѓу сметководствената евиденција и фактичката состојба утврдена со попис, кај основните средства во износ од 5,5 милиони денари.

    Дополнителен проблем е утврден кај материјалите што Бирото ги користи во секојдневното работење. Во 2024 година биле набавени пломби, жигови, жиг-налепници за верификација и записници во вредност од 4,2 милиони денари, но за нив не била воспоставена соодветна сметководствена и материјална евиденција.

    ДЗР забележал слабости и во евидентирањето и наплатата на побарувањата од извршени услуги. Во билансот на состојба на крајот на 2024 година побарувањата од купувачи биле прикажани во износ од 40,5 милиони денари, но кај дел од комитентите биле евидентирани негативни салда од 11,7 милиони денари, поради што ревизорите оцениле дека побарувањата не се реално прикажани.

    Проблеми се констатирани и во фактурирањето. Од вкупно 182,9 милиони денари фактурирани услуги за верификација во 2024 година, дури 82 милиони денари се однесувале на барања поднесени во периодот од 2018 до 2023 година. Ова, според ревизијата, укажува на значително доцнење во процесот на фактурирање.

    Во текот на 2024 година Бирото остварило вкупни приходи од 122,4 милиони денари од услуги за верификација на мерила, калибрација на еталони и мерила и други услуги. Сепак, ревизорите утврдиле дека управувањето со предметите и наплатата се одвивале без интерна процедура, а не биле определени ниту рокови за распределба, контрола и одобрување на предметите.

    Посебно внимание во ревизорскиот извештај е посветено на мобилната лабораторија за испитување на квалитетот на течните горива. Бирото во 2019 година набавило мобилна лабораторија за 37,3 милиони денари, а две години подоцна дополнително инвестирало уште 24,7 милиони денари во опрема.

    И покрај инвестицијата од над 62 милиони денари, лабораторијата во текот на 2024 година не била користена за анализи. Причината е што Државниот пазарен инспекторат, со кој Бирото има склучено договор за користење на лабораторијата, не доставил барања за испитување.

    Ревизијата утврдила и дека Бирото нема воспоставено евиденција за издадени одобренија за тип на производ и согласности за регистрација, додека дополнителни слабости се констатирани и во контролата на приходите од овластените правни лица.

    Имено, овластените правни лица се обврзани да уплаќаат 20 отсто од вредноста на извршените услуги за верификација на мерила. Сепак, според ДЗР, нема јасно утврдени правила за известување, контрола и рокови за уплата.

    Известувањето се вршело квартално, додека средствата се уплаќале со задоцнување од шест до девет месеци по истекот на кварталот во кој услугите биле извршени. Според ревизорите, ваквата практика создава ризик од ненавремена и нецелосна наплата на приходите.

    За надминување на утврдените слабости, Државниот завод за ревизија дал повеќе препораки до Бирото за метрологија, со цел да се подобрат евиденцијата, контролата, наплатата и користењето на опремата и да се отстранат причините за констатираните неправилности.

    Just In Top News
    Прочитај повеќе

    Нема повеќе заминување од Армијата на 45 години – Војниците добиваат нова можност

    29.10.2026 во 11:22

    ОКТА, МВР и РСБСП со нова кампања за поголема безбедност во сообраќајот

    29.10.2026 во 11:06
    Facebook X (Twitter) Instagram
    • Насловна
    • Најново
    • Импресум
    • Маркетинг
    Њу Медиа Комјуникејшн © 2010 | сите права заштитени

    Type above and press Enter to search. Press Esc to cancel.