Реџепи: БЕСА е за три изборни единици и отворени листи

Движењето БEСА на Билал Касами е за измени во Изборниот законик, но што се однесува до изборните единици, оваа партија предлага да има три изборни единици со отворени листи.

– Движењето Беса ја поддржува потребата за реформа на изборниот законик. Нашиот предлог е за три изборни единици и отворени листи. Овој модел ќе ја зачува територијалната застапеност, но ќе им овозможи на партиите на етничките заедници да се натпреваруваат со нивни листи за пратеници. Отворените листи ќе придонесат за квалитативен и директен избор на пратеници од гласачите. На овој начин ќе се зголеми политичката тежина на избраниот пратеник и ќе има автономија во претставувањето на потребите на нивното гласачко тело. Ние сме отворени да ги слушнаме и другите аргументите за да излеземе со подобар изборен модел- изјави за „Слободен печат“ пратеникот на БЕСА, Кастриот Реџепи.