Радев: Се врши притисок врз Бугарија преку европските институции да го укине ветото за Северна Македонија

Се врши притисок врз Бугарија преку европските институции да го укине ветото на преговорите за членство на Северна Македонија во Европската Унија, изјави бугарскиот претседател Румен Радев на националната конференција за европската перспектива за добрососедски односи меѓу двете земји.

„Се користат секакви механизми за лобирање и притисок на заднината на војната во Украина, што според европските институции е аргумент за итна интеграција на Република Северна Македонија во Европската Унија, дури и по цена на тешки компромиси во наша страна, а во име на стабилноста на Европа, се разбира, како што тие го разбираат овој проблем во Брисел“, изјави Радев, пренесе „бнр.бг“.