Рускиот претседател Владимир Путин упати сериозно предупредување до Брисел, нагласувајќи дека Русија би можела веднаш да ги прекине испораките на гас за европскиот пазар, без да го чека крајниот рок на ЕУ во април. Путин појасни дека новите пазари на Исток се веќе отворени и можеби се дури и попрофитабилни за Москва.
Сепак, рускиот лидер потврди дека енергенсите ќе продолжат да течат кон „сигурните партнери“. Тој директно ги посочи Унгарија и Словачка како земји со чие раководство Русија има намера да ја продолжи соработката, под услов тие да ја задржат сегашната пријателска политика. Путин оцени дека енергетскиот хаос во ЕУ е резултат на погрешните одлуки на европските власти кои не работат во интерес на својот народ.