Еден возрасен е ранет во пукотница во основно училиште во американската држава Вирџинија денес, додека нема повредени деца, соопштија официјални лица.
Градскиот советник на Вејнсборо, Џим Вуд, чиј округ го вклучува основното училиште Вествуд Хилс, рече дека станува збор за изолиран инцидент и дека напаѓачот повеќе не претставува закана. Тој одби да даде детали за статусот на осомничениот, објави АП.
„Ова е инцидент со две лица“, рече Вуд, кој бил на близок настан кога се случило пукањето, а потоа отишол на местото на настанот.
Повредениот возрасен е однесен во болница и не е во критична состојба, рече Вуд.
Портпаролката на полицијата на Вирџинија, Робин Лосон, потврди дека едно лице е повредено, возрасен, според првичните извештаи. Нема повредени деца.
Гувернерката на Вирџинија, Абигејл Спанбергер, изјави дека ја следи ситуацијата.
„Моите мисли се со овие млади ученици, нивните родители и семејства, како и со наставниците и персоналот во училиштето“, рече Спанбергер на социјалните мрежи.