Првиот посериозен аларм пристигнал за инцидент на улицата „Гоце Делчев“, каде граѓаните исплашено пријавиле пукање од огнено оружје среде бел ден.
Интервентните полициски екипи веднаш излегле на местото, каде утврдиле дека се работи за приватна семејна веселба организирана од 53-годишен гостиварчанец.
Сопственикот признал дека лично испукал неколку силни пиротехнички средства и огномети, по што против него веднаш е отворена соодветна постапка.
Паралелно со ова, сообраќајната полиција заплени автомобил „опел“ и еден мопед, откако двајца возачи биле фатени како дивеат без возачки дозволи.
- „На 20.06.2026 во 12:09 часот во ОВР Гостивар било пријавено нарушување на јавниот ред и мир со употреба на огнено оружје или пиротехнички средства на улица „Гоце Делчев“. Полициски службеници веднаш излегле на местото и забележале дека има семејна веселба. Во разговор со сопственикот и организатор на веселбата, И.С. (53) од Гостивар, тој изјавил дека тој лично испукал неколку пиротехнички средства, огномети. По целосно документирање на случајот, ќе биде поднесен соодветен поднесок“, соопштија од полицијата.