Протекоа детали: Познато кога точно починал синот на Марина Туцаковиќ

Итната помош го пронашла Милан Лаќа Радуловиќ во безсознание на улица на 13 декември во раните утрински часови, јавува српски Блиц повикувајќи се на извори од Израел.

– Кај Лаќа е констатирана смрт на пат кон болница. Телото е пренесено во форензички центар во друг град, каде лежело без формална идентификација. На 18 декември настанот почнал да се развива кога во амбасадата се јавил семеен пријател на Радуловиќ и го пријавил како исчезнат бидејќи Милан требало да се врати во Србија на 19 декември. Тој замина во Израел на 2 декември. На 19 декември била контактирана израелската полиција, вели изворот на „Блица“ и додава:

– На 20 декември полицијата одговорила дека телото со опишаните тетоважи се наоѓа во споменатиот институт за судска медицина. Телото било идентификувано подоцна во вторникот попладне од негов пријател, а со тоа била составена и сликата од тоа што му се случило.

За потсетување, Милан Лаќа Радуловиќ, син на Марина Туцаковиќ и Александар Радуловиќ Фута, е роден во 1986 година. Лаќа тргна по стапките на мајка си, па напиша текстови на песни за многу познати личности.

Неговиот живот го одбележаа две трагедии, смртта на неговиот брат Милош во 2008 година и смртта на неговата мајка Марина Туцаковиќ.