Српската полиција уапси едно лице и заплени околу 180 килограми марихуана, 18 килограми кокаин, 43 литри амфетаминско масло, 11 килограми кофеин што се користи за производство на амфетамин и околу пет килограми хашиш, објави денеска вицепремиерот и министер за внатрешни работи на Србија, Ивица Дачиќ.
„Припадници на Министерството за внатрешни работи, Управата за криминалистичка полиција, Службата за борба против организиран криминал, Одделот за сузбивање на организиран шверц со дрога, во соработка со Одделот за специјални дејствија и Вишото јавно обвинителство во Сремска Митровица, ја уапсија М. К. (28), под сомнение за сторено кривично дело неовластено производство и дистрибуција на наркотични дроги“, изјави Дачиќ.
Заплената била извршена за време на претрес во стан во кој осомниченото лице престојувало без пријавено живеалиште.
Според информациите од МВР, при претресот биле откриени и конфискувани поголемите количини наркотични средства и суровини, како и дополнителни предмети.
„При претрес на станот каде што осомничената М. К. престојувала без регистрација, полицијата пронашла и запленила околу 180 килограми марихуана, 18 килограми кокаин, 43 литри амфетаминско масло и 11 килограми кофеин што се користи за производство на наркотичната дрога амфетамин, околу пет килограми хашиш, две електронски ваги за прецизно мерење и 2.800 евра. На осомничениот му е одреден притвор до 48 часа и ќе биде приведен во надлежното обвинителство со кривична пријава“, додаде Дачиќ.