Во своите нови мемоари, Присила Присли открива како „убави жени“ редовно биле носени во нивниот брачен дом за да се сретнат со Елвис. Во книгата „Нежно, додека те оставам: Животот по Елвис“, Присила детално го опишува својот турбулентен однос со музичката ѕвезда, како и животот по нивната разделба.
И покрај сè, таа признава дека сè уште го смета својот поранешен сопруг за „љубовта на својот живот“. Зборувајќи во емисијата „Тудеј Шоу“, таа рече: „Бевме блиски, многу разговаравме по телефон“. Кога водителот ја праша: „Сè уште е љубовта на твојот живот?“, Присила без двоумење одговори: „Сè уште е љубовта на мојот живот. Апсолутно“.
Елвис и Присила се запознале кога тој имал 24 години, а таа само 14, а се венчале седум години подоцна. Во своите мемоари, таа опишува како луѓето на Елвис му носеле жени што чекале пред неговата куќа, честопати со навредливи коментари за нив.
„Ја слушнав нивната нецензурирана проценка за редот девојки што чекаат“, напиша таа. „Секогаш имаше долг ред пред нашата куќа. Многу, многу убави девојки чекаа на портата, надевајќи се дека ќе го видат Елвис, но честопати беа спремни да се задоволат со еден од неговите момци.“
Присила ги опиша жените како „олицетворение на мојот најлош кошмар“, додавајќи: „Сите беа желни да ме заменат, и слушав еден од момците како вели: „Воа! Дали си ја видел? Дали си ја видел русокосата?“
-Тие одеа по редот на жени кои беа спремни. Понекогаш избираа неколку од најубавите девојки и ги носеа да се запознаат со Елвис. Се згрчив од сеќавањето како го запознав Елвис на ист начин, открива Присила за тоа каков бил процесот на селекција.
Кога се обиде да се соочи со својот тогашен сопруг, одговорот бил студен. „Тој велеше: „Ако не сакаш да ме слушаш, има многу девојки кои ќе ме слушаат.“ И ги имаше. Можев да ги видам од нашиот преден прозорец или, уште полошо, седејќи во дневната соба. Седев таму и си мислев: „О, Боже мој, само се надевам и се молам Елвис да не ја избере оваа девојка.“
-Се плашев да го оставам сам. Не сакав да ги посетувам моите родители, бидејќи тоа значеше дека некој друг може да се вмеша додека ме нема, искрено открива Присла.