Кејт Мидлтон и принцот Вилијам се „многу строги“ кога станува збор за телефоните на нивните деца.
Принцот од Велс откри во серијата на Apple TV+ „The Reluctant Traveler“ дека нивните три деца, принцот Џорџ (12), принцезата Шарлот (10) и принцот Луис (7), немаат телефони, објави People.com.
Тој, исто така, нагласи дека семејното време заедно на масата им е многу важно.
„Значи, седиме и разговараме, тоа е многу важно. Ниедно од нашите деца нема телефони, за што сме многу строги“, рече Вилијам.
Кога го прашале со што си играат децата, тој рекол дека принцот Луис и принцезата Шарлот се големи обожаватели на нивната трамболина.
„Колку што можам да видам, тие завршуваат само скокајќи горе-долу на трамболината, тепајќи се едни со други, поголемиот дел од времето“, вели Вилијам.
Децата исто така ги следат спортските стапки на своите родители, Шарлот игра нетбол и балет, додека Џорџ обожава фудбал и хокеј.
-Се обидуваат да научат да свират музички инструменти, но не сум сигурен колку се успешни во тоа, додаде тој весело.