УХМР ги измери температурите ова претпладне во градовите низ Македонија. Според податоците, најтопло во 11 часот е во Гевгелија со 33 степени, а на Зајчев Рид и Кавадарци се измерени 32 степени.
Во Скопје се измерени 31 степени Целзиусови во 11 часот.
Од друга страна, Попова Шапка со 18 степени во 11 часот е место каде е најсвежо денеска.
Денеска времето ќе биде сончево и топло, со мала до умерена локална облачност. Ќе дува слаб до умерен ветер од северен правец. Во попладневните часови ќе има услови за изолирана нестабилност, проследена со пороен дожд и грмежи.
Максимална температура денеска до 38 степени.