Познатиот спортски бренд „Intersport“ влегува во нова фаза на работење во регионот, откако австриската групација „Intersport Austria“ го презеде сопствеништвото над „Intersport ISI“. Како резултат на оваа трансакција, најавено е постепено затворање на дел од директно управуваните продавници, додека бизнисот ќе се фокусира на партнерски модели.
Досегашниот сопственик, инвестицискиот фонд „Enterprise Investors“, одлучи да се повлече од овој сектор за да го пренасочи капиталот. Со оваа стратешка пресвртница, купувачот „Intersport Austria“ ќе контролира над 500 локации во 12 земји. Извршниот директор на групацијата, Франц Кол, истакна дека ова е „стратешка пресвртница“ која ќе донесе синергија во набавките, логистиката и дигитализацијата.
Во Македонија и регионот, брендот останува присутен, но со променет модел. Дел од малопродажната мрежа која нема да биде опфатена со новите партнерски договори, постепено ќе биде затворена. „Intersport ISI“ управува со околу 110 сопствени продавници и 40 франшизи во Словенија, Хрватска, Србија, БиХ, Црна Гора, Албанија и Северна Македонија.