Пожар во шведска нафтена рафинерија, има повредени

Пожарот што избувна во нафтената рафинерија „Нинас“ во шведската општина Нинашамн е изгаснат, а има луѓе со полесни повреди, соопшти полицијата.

„Спасувачките служби бргу пристигнаа на местото и пожарот сега е изгаснат. Погодената област веднаш е евакуирана“, соопшти портпаролот на компанијата „Нинас“.

Претходно од таму изјавија дека гори сурова нафта, но дека зградите не горат и дека нема опасност од ширење на пламенот. Неколку лица добиле полесни повреди, соопшти полицијата.