Во Бриж вечерва избувна пожар во автобус што превезувал навивачи на шпанскиот фудбалски клуб „Барселона“, но при инцидентот нема повредени, јави белгискиот јавен радиодифузен сервис ВРТ.
Пожарот избувнал додека автобусот се движел кон стадионот „Јан Брејдел“, каде што вечерва се игра натпревар од Лигата на шампионите меѓу домашниот клуб „Бриж“ и „Барселона“.
Полицијата соопшти дека пожарот, најверојатно, го предизвикал еден од навивачите на „Барселона“, кој носел пиротехнички средства. Засега не се познати сите детали за инцидентот.
Осомничениот е приведен, а пожарот брзо бил саниран од противпожарната служба на Бриж.