Ферибот во кој се превезувале вкупно 116 патници и членови на екипажот потона во текот на изминатата ноќ во близина на брегот на Гвајана.
Досегашните спасувачки екипи успеале да пронајдат и да извлечат од водата само осум преживеани лица, потврдија тамошните власти.
Министерот за јавни работи на оваа земја, Хуан Едгил, излезе со официјални детали за текот на патувањето и моментот кога бродот почнал да тоне.
„Околу 15:15 часот по локално време вчера попладне фериботот ’Барима‘ (MV Barima) исплови од Џорџтаун со 116 патници и со членовите на екипажот кон Порт Кајтума во западниот дел на Гвајана. Во 23:01 часот беше примен повик за помош од бродот. Веднаш беа активирани спасувачки операции со државни и со приватни ресурси. Потрагата по преживеани продолжува со полн капацитет, а во оваа почетна фаза успеавме да спасиме осум лица“, изјави ресорниот министер во видеообраќање објавено на социјалната мрежа „Фејсбук“.
Властите во Гвајана сè уште немаат официјални информации за причините поради кои дошло до потонување на бродот.
Во моментов нема прецизни податоци ниту за судбината на преостанатите 108 лица кои сè уште се водат како исчезнати.
Државните и приватните тимови продолжуваат со пребарување на акваторијата во обид да лоцираат нови преживеани.