Вистинска голгота преживуваа туристите кои синоќа од Грција се враќаа во Македонија. Во текот на целото попладне па се до раните утрински часови гужвата на Евзони за влез во Македонија била огромна. За влез во земјава некои патници чекале и по повеќе од 4 часа.
На Дојран за влез во одредени периоди од вечерта се чекало по околу час и половина до два.
Намјмалку гужва вчера имало на Меџитлија, влезот кај Битола.
Гужвите не се изненадување, особено по продолжен викенд каков што беше минатиот, кој истовремено беше и последниот во овој летен распуст, имајќи предвид дека од утре почнува учебната година.