Полската државна агенција за управување со воздушниот сообраќај и контрола на небото (PANSA) соопшти дека започнале операции на воена авијација во воздушниот простор на земјата поради закани од руски беспилотни летала кои дејствуваат во соседна Украина. Ова довело до привремено затворање на два аеродрома на истокот од земјата.
„Во врска со нападите извршени од Руската Федерација со употреба на беспилотни летала со млазен погон на територијата на Украина, започнале операции на воена авијација во полскиот воздушен простор. Поради потребата да се обезбеди слобода на дејствување за воената авијација, аеродромите во Лублин и Жешов привремено ги прекинаа летовите“, се вели во соопштението на PANSA објавено на платформата X.
Од Оперативната команда на полските вооружени сили потврдија дека се активирани потребните сили и средства преку Центарот за воздушни операции, со цел спроведување на утврдените процедури.
„Компените системи за воздушна одбрана и извидувачките радари се ставени во состојба на готовност. Овие мерки се превентивни по природа и имаат за цел обезбедување и заштита на воздушниот простор, особено во областите што се граничат со загрозените зони“, се наведува во соопштението.
Надлежните служби остануваат во состојба на зголемена готовност, а ситуацијата во воздушниот простор се следи во реално време.