Младиот пејач Горан Максимовиќ (26), кој трагично загина во сообраќајна несреќа кај Шабац, вчера беше испратен во вечниот дом. Несреќата се случила во местото Слатина кај Шабац, додека пејачот се враќал од Шабачкиот вашар, каде претходно настапувал.
Погребот се одржал во 12 часот во неговото родно село Горице, каде од Горан се простија семејството, пријателите и колегите. Неговата ненадејна смрт ги потресе најблиските, кои се збогуваат со него преку емотивни пораки.
Неговата сестра претходно сподели емотивна порака:
„Кога ќе ме прашаат дали имам свој херој, ќе им кажам дека имам, дека е горе и дека ме гледа. Колку боли сè кога те нема, убав мој, како понатаму без тебе, мил мој. Сè мириса на тебе. Брате мој, зошто токму ти? Зошто сега? Зошто животот ни те одзеде тебе?
Толку многу остана неискажано. Толку многу работи што сакав да ти ги кажам, толку моменти за кои мислев дека допрва ќе ги доживееме. Никој не можеше да знае дека нашата последна средба, последниот разговор или последниот поглед навистина ќе бидат последни.
Да знаев дека е последен пат, ќе те прегрнев посилно. Подолго ќе те држев во прегратка. Ќе ти кажев колку те сакам и колку ми значиш. Немаше така лесно да те пуштам.
Не знам како ќе изгледаат деновите без тебе. Не знам како ќе се навикнам дека те нема. Знам само дека не сакам никогаш да помине ден во кој ќе заборавам колку ми значеше. Беше и ќе останеш мој брат. Твоето место никој никогаш нема да може да го замени.“