Метеорологот Славчо Попоски со нова анализа предупредува на драстична промена на времето која започнува утре, на вториот ден Божиќ. Поради силен продор на студен воздух од север, дождот брзо ќе премине во снег, не само на планините, туку и во поголемиот дел од пониските места.
Најкритично ќе биде во западна Македонија, каде се очекува формирање на значителна снежна покривка:
- На планините: Од 10 до 20 сантиметри нов снег.
- Во градовите (Западна МК): Снежна покривка од 5 до 10 сантиметри.
Во Скопје и околината, услови за слаби врнежи од снег ќе има особено во повисоките предели од котлината, придружени со засилен северен ветер.