По неколку недели неизвесност, медиумски шпекулации и бројни теории на заговор, конечно е откриена вистинската причина за трагичната и ненадејна смрт на турската актерка Еџе Иртем. Ѕвездата, која публиката ја засака по улогата во хит-серијата „Шербет од Брусница“, почина на 35-годишна возраст, само еден ден по својот роденден.
Иако првичните информации укажуваа дека причината за смртта е срцев удар, конечниот обдукциски извештај на Државниот институт за судска медицина на Турција покажал дека младата актерка починала од труење со алкохол.
Според официјалниот извештај, како главна причина за смртта е наведена интоксикација со етил алкохол. Токсиколошките анализи, исто така, потврдиле присуство на одредени лекови во нејзиниот организам, за кои е познато дека во комбинација со алкохол можат фатално да влијаат врз централниот нервен систем.
Трагичниот настан се случи на 15 јуни во нејзиниот стан во Истанбул, а во моментот кога ѝ се слошило со неа била нејзината мајка. Претходниот обдукциски извештај покажал дека на телото на актерката не биле пронајдени траги на насилство или какви било повреди.
Со конечните резултати од обдукцијата ставена е точка на бројните шпекулации и теории што со недели ја вознемируваа турската јавност.