По пожарот во Тетово, се огласи и полицијата: Упати важен апел до граѓаните
Нема повредени лица во пожарот кој утринава избувна во поранешната фабрика „Македонија Табак“, се првичните информации од полицијата.
-Во 09.30 часот во СВР Тетово пријавено е дека настанал пожар во магацин за складирање на производи на тетовска фабрика, лоциран помеѓу улиците „Маршал Тито“ и „Борис Кидрич“ во Тетово. Според првичната пријава нема повредени лица, а екипи на Територијалната противпожарна единица Тетово преземаат мерки за гаснење на пожарот, информира портпаролот на СВР Тетово, Марјан Јосифоски.
Служби на СВР Тетово веќе се испратени на местото на пожарот и ги преземаат сите неопходни мерки.
СВР Тетово апелира до граѓаните да се воздржат од непотребно излегување, поминување или задржување на местото на пожарот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа