Гласањето на вториот круг од локалните избори 2025 започна утрово во 07:00 часот и ќе трае непрекинато до 19:00 часот, потсетуваат од Државната изборна комисија (ДИК).
Доколку гласањето биде прекинато подолго од еден час, изборниот процес продолжува за онолку време колку што траел прекинот, но не подолго од три часа.
По затворањето на гласачките места во 19:00 часот, право на глас ќе имаат само лицата кои во тој момент се затекнале во објектот каде што се гласа.
Избирачко место на кое сите граѓани запишани во Избирачкиот список веќе гласале може да се затвори и пред 19:00 часот, но само со одобрение од надлежната Општинска изборна комисија (ОИК). Сепак, броењето на гласовите не може да започне пред 19:00 часот.
? По завршувањето на гласањето, избирачките одбори се должни во рок од пет часа да ги достават записниците и изборниот материјал до Општинската изборна комисија или Изборната комисија на Градот Скопје.
Преносот на материјалот го врши претседателот на избирачкиот одбор, во придружба на членови на одборот, како и претставници на подносителите на листите и полицијата, доколку за тоа има потреба