Полициски службеници од ОВР Кавадарци на 13 јули 2026 година, во 04:50 часот, ги привеле Г.И. (40) и С.Ј. (49), двајцата од Кавадарци, поради нарушување на јавниот ред и мир пред угостителски објект на улицата „Илинденска“.
Според информациите од полицијата, лицата го нарушиле редот и мирот, при што оштетувале предмети.
При преземените мерки било утврдено дека двајцата биле под дејство на алкохол. Кај Г.И. биле измерени 1,63 промили алкохол во крвта, додека кај С.Ј. 1,46 промили.
Тие биле задржани во полициска станица, а по целосно документирање на случајот против нив ќе бидат поднесени соодветни пријави.