Полицијата во Кавадарци вчера приведе 43-годишен жител на градот поради агресивно однесување кон службени лица. Инцидентот се случил на улицата „Миле В’чков“ во моментот кога полициските службеници извршувале работни задачи.
При приведувањето на лицето со иницијали Т.С., извршено е алкотестирање при што биле измерени рекордни 3,13 промили алкохол во неговата крв.
„Т.С. е задржан во полициска станица, известен е јавен обвинител и по документирање на настанот против него ќе бидат поднесени соодветни пријави“, соопштија од СВР Велес.