Портпаролот на Кремљ, Дмитриј Песков, денеска упати жестоки критики до Киев, обвинувајќи го украинскиот режим за „неодговорни и непромислени“ обиди за напади врз клучната гасна инфраструктура. Според Москва, цел на украинските дронови биле компресорските станици на гасоводите „Турски тек“ и „Син тек“.
Песков нагласи дека овие напади, кои се случиле во периодот меѓу 17 и 19 март, претставуваат директна закана за меѓународните енергетски патишта во момент кога глобалниот пазар е веќе крајно дестабилизиран.
„Ваквите дејствија би можеле дополнително да ја влошат ситуацијата, не само во регионот, туку и низ целиот свет“, изјави Песков, додавајќи дека руската војска ги презема сите мерки за заштита на објектите на „Гаспром“.
Во однос на трилатералните разговори меѓу Русија, Украина и САД, Песков потврди дека тие се во привремена пауза од „очигледни причини“, чекајќи американските претставници да го вратат фокусот на украинското прашање.