Ова е последниот отворен прозорец за земјава за влез во Европската унија. Ако ние сега ја пропуштиме оваа исклучителна шанса, се плашам дека ќе останеме во групата на Босна и Херцеговина и Косово. Ова го вели поранешниот претседател на државата Стево Пендаровски во интервју за „360 степени“ емитувано на МРТ 1.
– Јас се плашам дека ова е последниот прозорец на можности отворен исклучиво поради руската инвазија во Украина која Европа, барем кај големите играчи, воопшто размислува да го затвора процесот. Тие го нарекуваат финалите (finalité) на европското обединување. Мислам дека после ова, дај Боже денеска да заврши војната, ако нема војна таму дека никој нема да гледа кон Западен Балкан, изјави Пендаровски.
– И тогаш го кажував и сега го повторувам истиот став – не погрешивме затоа што Францускиот предлог, практично европската преговарачка рамка на крајот, беше без каква било опасност за македонскиот идентитет, што беше клучната одредница во која тргнува секоја влада, секој претседател, секоја држава која се обидува да се приклучи во тоа големо европско семејство, нагласува Пендаровски.
Според него и владејачката коалиција и владејачката партија се заплеткале во сопствената предизборна реторика и сега не знаат како да се отплеткаат од тој процес.